RD said,

June 18, 2009 @ 3:31 pm

第一张好靓！
尾二张好抵死·哈哈·

dan.h said,

June 18, 2009 @ 3:55 pm

wow～～～这是啥地方。

xuxu said,

June 20, 2009 @ 2:49 am

琴高琴底 好盏鬼

FIRE said,

June 23, 2009 @ 4:28 pm

转论坛020的留言`

引用第6楼020于2009-06-19 08:58发表的 :
FIRE,
其实系第一集作品发布时我就已经去你个网站睇晒全部作品（近段时间有无新作？），我开始既时候以为系以另类视觉带动服装销售既主题网，但细细甘睇晒每篇博文里既文字同图片，发觉有好多共同点，或者讲叫主题，都系以热爱呢个城市为主既，尤其是”向南“系列。作品所表现既表面上好似系一的好随意既街拍作品拼凑，但细看之下有好多共通点。感觉上系一群本土年轻人用距地思维中对呢个城市既理解，去表现距地心目中我地土生土长既呢个城市既点点滴滴。镜头中不乏强烈既空间色彩表现力，更强既系好似用”大头佛“，”午夜“加灯光去表现一种特殊既叛逆态度，或者可以讲系一种对现实生活既一种不满同迷茫。整体主题却不难睇出对呢个城市点点滴滴既忠诚同热爱。与其讲系一套作品倒不如讲系一种生活态度。

其实呢类视觉效感作品好多摄影师，尤其系后现代摄影都非常之流行，但由于表现力不一，且无一个均衡标准，所以呢类风格也是褒贬不一。且呢种风格较接近于日系既生活作品，所以容易模仿同误解。但我想讲既系你地做左好多人做吾到既野，你地可以随心所欲去表现你地想去表现既野，无局限，无拘无束。比起好多所谓既”大C““协会”，你地可以讲系真正享受摄影乐趣。虽呢的话都系我单方面个人睇法，可能完全误解晒你地既用意，但我也都系出于一份同样对摄影热爱既态度去感谢同欣赏你地比我地呢帮人，呢个城市所带来既感悟，尽管未必个个都会甘唸。可能你同大家一样，都吾知道呢种热情会坚持几耐，但年轻人就系敢于尝试先会成长。我也都会试图去宣传你地既作品，可能也会褒贬不一。希望你地继续坚持下去，为我地带来更多更好既作品。

020
6/19/2009

———————————————————————————-
回复

非常之感谢020嘅留言 多谢你嘅关注并讲出咗你对我与团队作品嘅理解同睇法 并令我确定可以开展更多真诚讨论 我之前话不多 因为我初到此地 并不了解你哋嘅话题与气氛 因为相对多嘅摄影版都只系在乎讨论景点 器材 MODEL 唔太容易开展呢啲话题

广州 几乎已经成为我哋作品嘅永恒主题 广州不缺乏爱 但缺乏讲出口嘅爱 作为一个生于斯长于斯嘅广州人 我无比热爱同关注呢一个城市 我哋系城市嘅血液 但有更多嘅人却跟本不关注咁亲密咁赖以为生嘅社会空间 我同Partner RD嘅”FIREXRD”Stencil Graffiti CREW(模板涂鸦团队)出发点以涂鸦与广州沟通 并将我哋所想表达嘅信息传达至街头 我哋FIREXRD已经过咗三个年头 系今年初先开始进行品牌计划 我哋希望信息不单一从涂鸦渠道所表达 亦希望能在更多元的载体同平台展现

因为涂鸦与习惯夜间作业 我亦同朋友开始咗一系列嘅广州夜影摄影计划 广州不缺乏摄影爱好者 但因生活习惯 能记录下广州午夜嘅摄影人就关不多 我很迷恋广州嘅夜景 作为一个超级城市 午夜能更真实安静咁体验出城市嘅性格

大头佛系列系经过充分思考嘅系列 我希望寻找能够代表广东 代表广州嘅载体 并系逐渐消逝于人民视野嘅独特文化元素 大头佛满足咗我 我哋亦会继续在涂鸦与摄影中创作落去 红绿年间嘅作品主题就系计划低我哋思考嘅生活同城市之间嘅关系 鲜红与淡绿出自诗人顾城嘅诗句 分别代表希望与青春 希望可以对外讲出更多广州嘅声音 摄影风格我冇考虑太多 自己想影咩 只要能表达出意图嘅 我都会去尝试 并唔会太在意

其实我做向南嘅出发点系对自己生活嘅总结 向南系列记录咗我生活嘅一点一滴 过程系对自己生活嘅回首 一个人 有好多嘢系为自己而做 做比自己睇嘅 向南就系 做一期向南要耗费好长时间 08-09一直冇时间整 仲未有着落

至于热情 我对自己有信心 已经三四年 习惯了